-entzun dozu andereñoak esandakoa?
-telebistan be aitatu deurela diño amak
-ta egie izengo ete da?
-ez dot uste
-beti antzera

Iker eta Eire kezkatuta bueltatu dira etxera. Kalean asko entzuten da facebook, tuenti, flickr, youtube, twitter, myspace eta holangoen gainean. Aukerak abantailak, sareak, lagunak, gehitu, ezagutu. Joan etorriko mezuak, hizkuntzak eta ideia berriak. Etxean, telebistan, eta eskolan berriz, berba onik ez. Ez da ona, ezdakitzergertatudan ezdakitnon, neska baten datuekin, bere azken mezua youtuben utzi zuela hark. Usteak eta iritziak. Mezu kontraesankorren bertsio ofizial berriak.

-zelan ete da posible, guri gustaten dakuna, amari, aitari edo andereñoari ez gustetia?
-beti bardin, hau ez, hori bez, haixe bez, hau beti hau.
-ba paso!
-nik be bai... gero messengerrean bale?
-gero arte

Zertan ari ote diren txikiagoak pantaila aurrean? Zertaz idatziko dioten elkarri horren interesgarri? Zelan da posible, horrenbeste ordu ematea pantaila aurrean? Eta gero gu, Goenkale ikustera, zapping apur bat ikustera, programa kulturalak badakizu! Pasalo eta Telecinco, ikusienak gurean. Facebook ez da ona, etebebi bai. Orduak ematen ditugu gure pantailaren aurrean. Posta elektronikoa ez dabilkigunean, eurei esaten diegu konpontzeko. Ikasleek irakasleari eman diote Wikipediaren berri. Eta hezitzailearen ardura, copy&paste egingo ote duten, ez besterik. Ikasleak ez dira leloak, edo bai?

Sare sozialak, mintzatuko gara gure artean.  Iker eta Eirek zer dioten entzungo dugu? Kontatuko digute. Labur labur azkar azkar. Entzun gura duenari. Zeozer esateko daukanari. Hemen berba egitea da kontua. Entzutea. Esatea. Labur edo luze. Argazkiz edo kafe baten ondoan. Sare sozialak gu gara. Zu eta ni. Iker eta Eire. Guztiok.

Loturak:

facebook.com
twitter.com
tuenti.com
youtube.com
myspace.com

Gehiago irakurtzeko: Gorka Julio kontaizu.net

Bideo bat: