Ikasturtea bukatu da eta udako oporrak iritsi dira gure txikientzako. Egun osoa libre, ez dago goizean goiz altxatu beharrik, jaiak dira alde guztietan, igerileku eta hondartza egunak esku artean, lagunekin jolasteko denbora… Egunerokotasunaren erritmoa erabat aldatzen da.

Oporraldian gertatzen den beste fenomeno bat, oso zabaldua dagoena gure gizartean, telebistaren aurrean ematen den denboraren gehikuntza da. Gauza guztiekin gertatzen den bezala, telebista neurriz kanpo kontsumitzeak ere, ondorio kaltegarriak izan ditzazke haur zein nagusien garapenean.

Guzti hau kontutan hartuz, udarako gomendio osasungarri batzuk prestatzea otu zaigu:

• Etxeko lanak konpartitu. Hainbat lantxo daude haurrekin egin ahal direnak edo eta haurrak bakarrik egin ahal dituenak (adinaren arabera); erosketak, logelaren txukunketa, bazkaria prestatzen laguntzea… haurraren autonomia eta ardura maila garatzeko bide garrantzitsu bat aktibatuko dugu. Gainera, haurrek gustura hartzen dute nagusien zereginetan laguntzeko aukera.
• Hartu denbora haurrarekin konpartitzeko, edozein aitzaki da ona ikasturtean zehar izan ez dugun denbora berreskuratzeko eta elkarrekin egoteko. Jarrera honek haur eta gurasoen arteko harremanaren kalitatean urratsak emateko balio dezake. Ahal den guztietan natur guneetara hurbildu, mendira, hondartzara, errekara… egun pasa lasaigarria izan daiteke denontzako!! 
• Telebista orduak eta edukiak negoziatu. Eguneko, gehienez telebista ordu bat baimendu. Telebista ez dadila izan haurraren zaindari birtuala bihurtu. Eman oporrak telebistari !
• Ariketa sano bat, etxeko jostailuen inbentarioa egitea izan daiteke. Atera etxetik gordeta dauden jostailu guztiak eta garbiketatxo bat egin. Erabili nahi dena hartu eta bestea eman. Jostailuen artean beti agertuko da haurrak asko maite duen baina ahaztua duen jostailutxoren bat. Bilakuntza atsegina izango da haurrarentzat.
  

Besterik gabe, ondo pasa oporrak eta jaiak !!!