Maite Aizpiri / Prebentzioa

Maite Aizpiri Lazpiur nauzue, Bergararra. Gizarte Lanean Diplomatua eta Soziologian Lizentziatua.2002az geroztik Prebentzio Teknikari gisa dihardut lanean, hasierako bi urteak Bergarako Udalean egin nituen eta 2004tik aurrera Arrasateko Udaleko Gizarte Ongizate Sailean ari naiz lanean.

Guraso.com web gune berrian prebentzio gaien inguruan aritzea egokitu zait niri. Hori dela eta, txoko honetan  seme-alaben  heziketa prozesuan gurasoei zenbait buruhauste sortzen dizkizuen gaiak lantzen saiatuko naiz, beti ere, prebentzioa oinarri gisa hartuta.

Pentsatzen dut egitasmo honek balio dezakeela, geure bizitzan geldiune batzuk egin eta garrantzitsuak izan daitezkeen gai batzuen inguruan gogoeta egiteko. Izan ere, eguneroko bizitzako erritmoa dela eta maiz ez dugu hartzen unerik, geure nahien, jarreren,ekintzen eta abarren inguruan pentsatzeko.

Ea bada, txoko honetan elkartrukatuko ditugun, galdera, iritzi, kezka eta hausnarketak seme-alaben heziketa prozesuan lagungarri zaizkizuen.