Ume-kotxea autobusera sartu gura, eta ezin
Bikiak edo hirukiak dituzten gurasoei gertatzen zaie sarri, ume-kotxea autobusera sartu gura eta ezin, tokirik ez dagoelako edo gidariak uzten ez dietelako.
Gasteizko Tuvisa autobus konpainiak onartu egin du azkenean bikien ume-kotxeak autobusera sartzea. Bi baldintza jarri ditu, baina:
- autobusean tokia egotea ume-kotxe horiendako
- plataforma ohi baino beherago duten autobusetara igotzea
Hirukide elkarteak pozik hartu du erabaki hau, azken hilabetetako eskaria zen-eta.
Garraio publikoetan ez ezik, bikiak edo hirukiak dituzten gurasoek lanak izaten dituzte hainbat tokietara sartzeko euren ume-kotxeekin, lur azpiko aparkalekuetako igogailuetara edo igogailu publikoetara, esaterako.
Euskadi Irratian hirukiak dituen ama batekin hitz egin dute arazo honi buruz. Entzun elkarrizketa
Argazkiaren iturria