Motrizitate txikia, irudimena eta sormena lantzen dira, besteak beste.
Kolore biziak dituen eta forma ezberdinak hartzen dituen plastikozko materiala da plastilina. Umeei asko gustatzen zaie plastilinarekin jolastea eta adituen esanetan onura asko ditu. Gainera, jakinmina sortzen du, eta umeek sormena eta motrizitate txikia lantzen dute plastilinarekin.
. Sormena landu: plastilinarekin bururatzen zaigun edozer egin dezakegu. Aukera oso zabalak eskaintzen ditu, eta sormena motibatzen du. Gainera, egin nahi dugun hori nola egin pentsatu beharra dago. Horrek ere irtenbideak topatzeko ahaleginean jartzen ditu umeak.
. Motrizitate txikia: bolak, tira luzeak, kiribilak… egin daitezke plastilinarekin eta modu horretan umeen motrizitate txikia lantzen dugu.
. Estresa: eskulanen bitartez estres maila jaisten dugu. Plastilinak ere betetzen du funtzio hori.
Plastilina etxean egin daiteke
Etxean ere egin daiteke plastilina. Nahastu behar dira irina eta landareekin egindako koloratzailea. Gehitu ura eta ondo irabiatu guztia. Umeari kalterik egingo ez dion plastilina lortuko duzu.
Argazkiaren iturria hemen.