Frutarekin egindako piruleta goxoak

Denbora pixka bat beharko dugu piruleta berezi horiek prestatzeko, baina ezuste polita eta osasungarria emango diegu.

1. Marrubizko piruleta

Polita eta goxoa da marrubizko piruleta. Garrantzitua da fruta ondo garbitzea. Makiltxoa ipiniko diogu eta marrubiaren punta urtutako txokolate beroan bustiko dugu gero gogortzen uzteko. Gustuko baduzue gogortzen utzi aurretik apaindu piruleta koloretako fideotxoekin.

2. Fruta piruletak

Udan fruta eskaintza zabala dugu. Gustukoena hartu, ondo garbitu, zuritu eta zatitu. Makiltxoa ipini eta prest duzue fruta freskoarekin egindako piruleta.

3. Txokolatezko sagar piruleta

Ez dira egunero jateko, baina tarteka egin dezakegu askari berezia. Zatitu sagarra nahi duzuen forma emanez eta estali urtutako txokolate berotan. Gogortzen utzi aurretik, nahi izanez gero apaindu koloreetako bolatxoekin.

4. Fruta izoztuarekin eta jogurtarekin

Likidotu aukeratutako fruta eta nahasta grekoa deritzon jogurtarekin. Nahasketa pastelgile tutu batean sartu eta forma borobileko errazioak egin labean sartzeko paperaren gainean. Ipini piruletaren makiltxoa borobil bakoitzaren erdigunean eta estali elkargunea nahasketa apur batekin. Apaindu fruta freskoarekin. Sartu guztia izozkailuan bi orduz. Prest duzu jateko.

Informazioaren eta argazkien iturria hemen.