Oso oinarrizko lehengaiekin egiteko postrea da.
Horretarako beharko ditugu 250 gramo gazta –philadelphia erakoa–, hiru arrautza, 50 mililitro esne, 80 gramo azukre, 30 gramo arto-irin, limoi erdiarekin egindako zukua eta legamia.
Labean egingo dugu tarta, baño maria erara. 20 zentimetroko diametrodun moldea estaliko dugu labeko paperarekin. Bol baten, nahastuko ditugu gazta, esnea, azukrea, arrautza gorringoa, arto-irina, limoi zukua eta legamia.
Irabiagailuarekin nahastuko dugu dena. Beste bol baten zuringoak elur-punturaino irabiatuko ditugu, gatz apur batekin. Bi nahasketak nahastuko ditugu eta laberako prestatutako bolean sartu.
40 minutuz egosiko dugu labean, 180 gradutan. Behin eginda, hozten utziko dugu, 10 minutu.